فضلت اضرب كويس لحد ما بقي هش ونفشت معايا وبعدين ضفت السكر وفضلت اضرب تاني وكل لما اضرب تنفش
نخلت الدقيق + البيكنج بودر + الكيك شيف وبدأت اضيفه شوية بشوية واضرب كويس لحد ما نفش اوي
وحطيتها في صينية قلب مقاس 30 مدهونة سمنة وهنا المشكلة هي كانت عايزة مقاس 28 عشان تنفش اكتر بس معلش المرة الجاية ان شاء الله وانا ماسبتهاش عليتها بالكريمة والجيلي
وحطيتها في فرن درجة حرارة 200 لمدة 35 دقيقة واول ما طلعت قلبتها علي شبكة عشان ماتعجنش من تحت
عملت الجيلي 2 باكو جيلي علي 3 كوب مية وحطيته في نفس الصينية اللي عملت فيها الكيك وحطيته في التلاجة لحد ما جمد
وجهزت الكريم شانتيه ضربته علي كوبايتين مية ومعلقة صغيرة سكر وباكو فانيليا وحطيته في التلاجة وبعدين جهزت صوص الكريز، حطيت عليه نص كوباية مية ومعلقتين سكر وسيبته يغلي شوية علي النار لحد ما عمل صوص وسيبته يبرد
وحطيت الكريم شانتيه بشكل عشوائي علي الجيلي اللي جمد ... كنت متخيلة ان لما احط الكيك عليه هيتفرد بس مش مشكلة طلع شكله شغال
وحطيت عليها نص الكيك
وبعدين طبقة كريم شانتيه
وسقيت النص التاني بصوص الكريز وحطيته علي نص الكيك التاني والجيلي (طبقات يعني)
كده الطبقات كلها كملت وحطيتها في التلاجة 4 ساعات
وبعدين طلعتها قلبتها وسبحان الله قلبت معايا علي طول من غير حمام مية سخنة ولا اي حاجة بس المفروض طبعا يتعمل لها كده عشان ماتبوظش .... و زوقتها بالكريم شانتيه والمانجة والكريز ودهنت الكريز والمانجة بالجيلي وسبتها في التلاجة
بجد طعم الكريز مع المانجة والجيلي كان تحفة واللي حسيته فرق بقي الفانيليا اللي حطيتها علي الكريم شانتيه
ومش مهم تقييم او رد ... بس امانة اللي تجرب الطريقة دي تيجي تقولنا ولو ضافت حاجة او غيرت حاجة تعرفنا برضه عشان نستفيد
وبالهنا والشفا
تورتة جيلي بصوص الكريز والمانجة ..في عيد ميلاد جوزي :)