حوار جاممممممممممممد بين أب وابنه

الأب : يا ولد
الابن (و بكل براءة) : نعم
الأب: نعمة لما ترفسك
الابن:ليه ايه اللى عملته؟ الأب: عملك اسود ومهبب
الابن :هو أنا قلت حاجه؟الأب:لا كان ناقص تقول كمان.. أوقف عدل يا حيوان
الابن : حاضر
الأم: يحضروا على قبرك.. لما أبوك يتكلم إنت تخرس
الابن: أخرس؟؟
الأب: أيوة خرسة تخرسك ان شاء الله
الابن: ماشي
الأم: مشش فى ركبك
الابن : ايه مشش دى؟
الأب: أما إنك قليل الأدب وبترد على أمك كمان؟
الابن: أنا رديت على أمي؟ ياما ما تقوليله حاجة
الأم: ...أخرس ياض
الابن (( غلب على أمره و سكت((
الأب: أما جيل قليل حيا صحيح...بتكلم ومبتردش عليا اتخرست ليه جتك خرسة تخرسك
الابن:يعنى أقول لو اتكلمت بتشوفوا كلامى غلط
الأب: ليه ياض شايفنا عُومى ولا شايفنى أحول ومش بشوف؟
الابن: لا اله إلا الله
الأم : الله ياخدك ويريحنا منك.. يا ريتني خلفت ابن الجيران و لا خلفتك
الأب: أنا مش عارف الواد ده طالع لمين.. لا وشايف نفسك راجل اوى؟
الابن:طيب يعنى اعمل ايه عشان تشوفنى راجل؟
الأب: إن شالله ما تطيب.. اخرس
الابن: يا ااااااااااااااااااااارربي خلاص ممكن أمشى؟ انتم نادتونى ليه أصلا؟
الأم: آه صحيح إنت ليه ناديت على الواد؟
الأب: تصدقى .... نسيت.. مش عارف... خلص امشي غور جتك الأرف